Ĕпхÿри П.М. Миронов ячĕллĕ чăваш вырсарни шкулĕнче вĕренÿ çулĕ ялан пултаруллă ачасене чысланипе вĕçленет. Çак кун кашнин çитĕнĕвне шута илеççĕ‚ тивĕçлипе хаклаççĕ. Кăçалхи наградăсем Тав хутĕнчен пуçласа Гран-при таран пулчĕç‚ вĕсене 32 ача илме тивĕçрĕ.
Чи хаклисенчен пĕри – Татьяна Ванюшина ячĕпе хисепленекен Дипломпа преми. Ăна çамрăк ăсчаха ĕмĕрлĕхе асра хăварас тĕллевпе ашшĕ-амăшĕсен комитечĕн пуçлăхĕ Алиса Яковлевна Федорова пуçарнă. Сăмах май каласан‚ иртнĕ çулта тăван халăх патриочĕ Василий Никитин ячĕллĕ Дипломпа преми йĕркеленĕччĕ.
Т. Ванюшина ячĕпе хисепленекен Диплома тата укçан премие 24 ача тивĕçрĕ. Вĕсен хушшинче чи пултаруллисем – Виктория Аймакова‚ Екатерина Ермолаева‚ Екатерина Спиридонова‚ Александр Сидорочев‚ Анастасия Петрова‚ Иван Яковлев.
Пушкăртстан чăвашĕсен Канаш ĕçтăвкомĕ тата Чăваш халăх ăсчахĕ В.М. Тарасова ачасене чаплă парнесемпе чысларĕç. Халăх ăсчахĕ Дарья Яковлевана пин тенкĕлĕх Гран-при‚ Канаш вара Ангелина Захарована ... Малалла вула »