«Тăван кил ăшши – атте-анне ăшши» сочинени конкурсĕ иртет 
Чăваш Республикин вĕренÿ тата çамрăксен политикин министерствин хушăвĕпе килĕшÿллĕн Чăваш Республикин вĕренÿ институчĕ «Тăван кил ăшши – атте-анне ăшши» сочинени конкурсĕ ирттерет. 

Сочинени конкурсне Раççейре экологи çулталăкне Чăваш Республинче Аннепе атте çулталăкне ирттермелли планпа килĕшÿллĕн йĕркеленĕ. Конкурсăн тĕллевĕсем – сочинени çырас традицине чĕртесси, ачасен шухăшлавне, аталантарсси; пултаруллă ачасене тупса палăртасси; тăван çĕре-шыва, атте-аннене хисеплеме, упрама хăнăхтарасси. 

Конкурса 9-11-мĕш класра вĕренекенсем тата професси пĕлĕвĕ паракан вĕренÿ организацийĕн вĕренекенĕсем хутшăнаççĕ. Сочинение чăвашла та, вырăсла та çырма юрать. 

Сочинени темисем: 
1) Тăван çĕр-шыва юратасси çемьерен пуçланать 
2) Ашшĕ-амăшĕн тивлечĕ ачашăн ырă тĕслĕх 
3) Çĕр анне хуçана çеç юратать 
4) Чăваш çыравçисен хайлавĕсенче кăтартнă атте-анне ырă сăнарĕсем 

Конкурсăн пĕрремĕш тапхăрĕ вĕренÿ организацийĕсенче иртет. 2017 çулхи юпа уйăхĕн 10-мĕшĕччен пĕрремĕш тапхăра ирттерсе çĕнтерÿçĕсене палăртмалла. Вĕренÿ организацийĕнче мала тухнă 3 ачан сочиненине иккĕмĕш тапхăра chrio6@сар.ru адреспа заявкăпа пĕрле ямалла е Чăваш Республикин вĕренÿ интститутне 216-мĕш пÿлĕме юпа уйăхĕн 15-мĕшĕччен кĕрсе памалла. 

Пирĕнпе çыхăнмалли адрес: Шупашкар, М.Горький проспекчĕ, 5-мĕш çурт 
E-mail: chrio6@cap.ruнаци вĕренĕвĕн центрĕ (центр национального образования) 

Телефон: 8352 584644