Чăваш ял хуçалăх академийĕ Чăваш Енри «Пĕтĕм Раççей ял çамрăкĕсен союзĕ» уйрăмĕпе пĕрле (респуб-лика вĕрентÿ тата ял хуçалăх министерствисем пулăшнипе) сочиненисен конкурсне йĕркелеççĕ. 
Конкурс нарăс уйăхĕн 10-мĕшĕнчен пуçласа пуш уйăхĕн 20-мĕшĕччен пырать. 
Конкурса кăçал республикăри вăтам шкултан вĕренсе тухакан çамрăксем хутшăнма пултараççĕ. Вĕсен «ЯЛ ХУÇАЛĂХ ĔÇЧЕНĔСЕН ДИНАСТИЙĔ» – «АГРАРНАЯ ДИНАСТИЯ» темăпа вырăсла е чăвашла сочинени çырмалла.
Конкурсăн тĕп тĕллевĕ: шкултан вĕренсе тухакансене ял хуçалăхĕпе çыхăннă профессисене суйласа илме пулăшасси, Чăваш патшалăх ял хуçалăх академине «Агрономия», «Ветеринария», «Зоотехния», «Агроинженерия» специальноçсене вĕренме кĕме хатĕр-ленекен пултаруллă çамрăксене тупса палăртасси, суйланă профессисене алла илме майсем туса парасси. 
Сочиненисенче çамрăксем ял пурнăçне кăмăлланине, унта пурăнакан, хуçалăхра чун-чĕререн тăрăшса ĕçлекенсем, çĕр ĕçне чунтан парăннă специалистсем çинчен е пĕр-пĕр династи пирки çырса кăтарт-ма пултараççĕ. Ял пурнăçне еплерех курас килет паянхи çамрăкăн; Ăна татах та лайăхрах, пуянрах тăвас тесен мĕн-мĕн тунă пулăттăр; Çак ыйтусене те хăвăр ĕçĕрсенче хускатма юрать. Ял хуçалăх ĕçченĕсен династийĕн пурнăçне тĕп- лĕнрех çутатма тăрăшăр. Тăван хуçалăхпа, ялпа, çĕр ĕçĕпе çыхăннă професси яланах сумлă пулнине, ĕçченĕ- сем хисеплине кăтартма тăрăшăр хăвăр ĕçĕрсенче. Сочиненисене www.abiturient21@yandex.ru адреспа ямалла. 
Çĕнтерÿçĕсене ака уйăхĕн (апрель) 7-мĕшĕнче академире уçă алăксен кунĕнче 10 сехетре палăртаççĕ. Конкурс пирки тĕплĕнрех академи сайтĕнче www.academy21@mail.ru вуласа пĕлме пултаратăр. 
Ăнăçу сире!