Кремльти пресса хĕсмечĕ пĕлтернĕ тăрăх Дмитрий Медведьев «Вĕнерӳ çинчен» саккуна кĕрмелли улшăнусене çирĕплетнĕ. Вĕсем тăрах малашне тăван чĕлхепе тата литературăпа пĕтĕмĕшле патшалăх экзаменне (ППЭ) тытма пулать. 9-мĕш тата 11-мĕш класс хыççăн суйлама пулать.
Маларах çак улшăнусене РФ Патшалăх Думи çирĕплетнĕччĕ, Федераци Канашĕ ырланăччĕ.
Тăван чĕлхепе экзамена суйласси — шкул ачин ирĕкĕ, вăл вырăс чĕлхипе экзамен тытассинчен хăтармасть. Экзамена мĕнле тытассине вырăнти влаç органĕсем хатĕрлĕç. «Новости» хыпар агентстви пĕлтернĕ тăрăх, экзамен ППЭ формипе иртмĕ.