 Чăваш наци конгресĕ, Чăваш çамрăкĕсен республикăри "Хастар” пĕрлешĕвĕ, И.Н. Ульянов ячĕллĕ Чăваш патшалăх университечĕн чăваш филологийĕпе культура факультечĕ "Чăваш ачи, сассуна пар!” ятпа пултарулăх конкурсĕ ирттереççĕ. Конкурса К.В. Иванов çуралнăранпа 120 çул, Чăваш автономине йĕркеленĕренпе 90 çул çитнине халалланă. Конкурс икĕ номинаципе иртет:
1. "Чи лайăх сочинени”
2. "Чи лайăх илемлĕ хайлав” (сăвă, калав, эссе, повесть т.ыт.те).
Конкурс тематики – чăваш халăх шăпи, чăвашсен илемлĕ литератури, чĕлхе илемлĕхĕ, чăваш çамрăкĕн вырăнĕ.
Конкурса республика тата унăн тулашĕнчи 9-11 классенче вĕренекен шкул ачисем, училищĕсемпе техникумсенче пĕлÿ пухакансем хутшăнма пултараççĕ.
Ĕçсене çĕртме (июнь) уйăхĕн 14-мĕшĕччен çак адрессемпе йышăнаççĕ:
428032, Чăваш Республики, Шупашкар хули, Воробьев композиторсен урамĕ, 10 çурт, Чăваш наци конгресĕ.
428000, Чăваш Республики, Шупашкар хули, Университет урамĕ, 38 çурт, Чăваш филологийĕпе культура факультечĕн деканачĕ.
Электронлă адрес: chuvfil@chuvsu.ru; vitrod1@yandex.ru.
Конвертсем çине "Чăваш ачи, сассуна пар!” тесе палăртма ан манăр.
Çĕнтерÿçĕсене çĕртме (июнь) уйăхĕн 24-мĕшĕнче Шупашкарта иртекен республикăри Ака туйра палăртатпăр. Вĕрентекенсене сертификатсем паратпăр. Конкурс çĕнте-рÿçисене дипломсемпе парнесем кĕтеççĕ. Унсăр пуçне вĕсене "Хастар” пĕрлешĕвĕн пултарулăх ушкăнне кĕме сĕнетпĕр. 11-мĕш класс, училищĕсемпе техникумран вĕренсе тухакансене университетăн чăваш филологийĕпе культура факультечĕн "Филологи”, "Культурологи” специальноçĕсемпе тата "Журналистика” специализаципе вĕренме кĕнĕ чух çăмăллăх паратпăр.
Йĕркелÿ ушкăнĕ.
Çыпăçтарнисем: |
Тĕп страница
Сайт çинчен
Чи лайăх сочиненисен каталогĕ
Рефератсемпе тĕпчев ĕçĕсен пуххи
Пăхмасăр каламалли сăвăсем. Пултарулăх кĕреки
Форум
Фотоальбомсем
Хăна пÿлĕмĕ
Çыхăну
