К. В. Иванов çуралнăранпа 120 çул çитнине халалласа пирĕн республикăра тĕрлĕ мероприяти нумай иртрĕ. Ку ĕçе чăваш чĕлхин инçет вĕренӳ центрĕ те хутшăнчĕ. Чăваш Республикин Вĕренӳ тата çамрăксен политики министерстви пуçарнипе чăваш поэзи классикĕн юбилейне интернет олимпиада халалларĕ. Олимпиада çу уйăхĕн 15-21-мĕшĕсенче пычĕ, пурĕ ку тупăшăва 978 шкул ачи хутшăннă. Вĕсем хушшинче республика тулашĕнчи чăваш ачисем те пур: Тутарстан, Пушкăртстан, Самар тата Чĕмпĕр облаçĕсем. Çĕртме уйăхĕн пĕрремĕш кунĕнче районсене тата республика тулашне çĕнтерӳçĕсен спиокне ярса пачĕç. Ку йыша пĕтĕмпе 40 вĕренекен кĕнĕ.
Михайлова Диана (Красноармейскинчи 2-мĕш шкул, 5 класс), Данилова Мария (Красноармейскинчи 2-мĕш шкул, 6 класс), Картмасова Арина (Хĕрлĕ чутайри вăтам шкул, 7-мĕш класс), Александров Александр (Чĕмпĕр хулинчи 75-мĕш вăтам шкул, 8-мĕш класс) олимпиадăра çĕнтерӳçĕсем пулса тăнă. Ытти 36 ача 2-мĕшпе 3-мĕш вырăнсене пайланă.

Саламлатпăр!!!

... Малалла вула »